ٹیپو سلطان کا سفر آخرت

وہ عالمِ تصور میں میسور کے شیر کو ایک خوفناک دھاڑ کے ساتھ اپنے پرحملہ آور ہوتا دیکھ کر چونک جاتا تھا‘ اسکی سپاہ سرنگا پٹم کے میدان میں جمع ہونے والے سپاہیان اسلام کی نعشوں میں میسور کے شیر کو تلاش کر رہے تھے

مسلمانوں کے ملک میں پرندے بھوک سے نا مر جائیں

زیر نظر تصویر ترکی کی ہے جہاں ایک بہت پرانی اسلامی روایت ابھی تک زندہ ہے کہ جب سردی کا عروج ہو اور پہاڑوں پر برف پڑ جائے تو یہ لوگ چوٹیوں پر چڑھ کر اس وقت تک دانہ پھیلاتے رہتے ہیں جب تک برفباری ہوتی رہے۔ اور یہ اس لیئے ہے کہ پرندے اس موسم میں کہیں بھوک سے نا مر جائیں۔

پاپا نے پادری بنانا چاہا ۔۔۔مگر۔۔۔؟

میں اپنے کسی کام کے سلسلہ میں ’’تیونس‘‘ گیا۔ میں اپنے یونیورسٹی کے دوستوں کے ساتھ یہاں کے ایک گاؤں میں تھا۔ وہاں ہم دوست اکٹھے کھا پی رہے تھے۔ گپ شپ لگا رہے تھے کہ اچانک اذان کی آواز بلند ہوئی اللہ اکبر اللہ اکبر۔۔۔

داستان ایک متکبر کی

سبحان الله ! یہ تھا اسلام کا انصاف

میں اپنا ثواب نہیں بیچوں گا

عموریہ کی جنگ میں پیش آنے والا ایک دلچسپ واقعہ

26 اپریل، 2012

مرنے کے بعد انسان کیسے دوبارہ زندہ ہو گا؟

‎
موت کے بعد زندگی

آدمی کو اس بات پر حیرانی ہوتی ہے کہ جب وہ مر جائے گا تو کس طرح پیدا کیا جائے گا۔ آدمی کے اندر حیرانی کا یہ عنصر اس سطح تک پہنچا ہوا ہے کہ بہت سارے لوگ مرنے کے بعد زندہ کئے جانے پر یقین نہیں رکھتے۔ وہ موت کے بعد زندہ کئے جانے کو ایک نہ ہونے والا واقعہ سمجھتے ہیں۔ مثلا ً انگریزی کے معروف مصنف خوشونت سنگھ نے اپنی کتاب میں لکھا ہے کہ وہ ” مرنے کے بعد زندہ کئے جانے پر یقین نہیں رکھتے ،اور نہ ہی جنت پر اور نہ ہی جہنم پر اور نہ ہی فیصلہ کے دن پر“ ۔

ظاہر ہے جنت ، جہنم اور فیصلہ کے دن کا معاملہ تو بہت بعد میں آتا ہے اگر ایک آدمی صرف حیات بعد موت سے انکار کردے تو باقی چیزوں سے خود بخود انکار ہو جاتا ہے۔ اس کے لیے باضابطہ بیان جاری کرنے کی ضرورت نہیں رہتی۔

حیرانی اس بات پر ہوتی ہے کہ آدمی اس واقعہ پر کس طرح شک کرتا ہے جس کا ہونا اتنا ہی یقینی ہے جتنا کہ خود انسان کا پیدا ہونا۔ کیا انسان نے اپنی تخلیق پر غور نہیں کیا کہ وہ کس طرح پیدا کیا جا تا ہے؟ میں سمجھتا ہوں کہ موت کے بعد زندگی پر ایمان لانے کے لیے صرف یہی کافی ہے کہ انسان کو اپنی تخلیق کا ادراک ہوجائے ۔ سچی بات تویہ ہے کہ موت کے بعد زندگی پر صرف وہی لوگ شک کرتے ہیں جن کو خود اپنی تخلیق کا ادراک نہیں ہو سکا ہے ، جو یہ نہیں جان سکے کہ انہیں اللہ نے کس طرح عدم سے وجود میں لایا اور نیست سے بود کردیا ۔

آپ نے کبھی آم کھایا ہے؟اچھا چلئے ایک آم اٹھائیے اور اسے کھا لیجئے ۔ ٹھیک سے کھا لیا؟ ٹھیک ہے۔ اب گٹھلی کو اٹھائیے اور دیکھئے، اسے اچھی طرح صاف کر لیجئے۔ صاف کر لیا؟ اب اسے مٹی میں گاڑ دیجئے۔ دیکھئے مٹی تھوڑی نم ہونی چاہئے۔ اچھا اب اسے 10سے 20روز تک بھول جایئے۔ اچھا دیکھئے، اب بیس دن گزر گئے۔ اب ذرا وہاں جایئے، جہاں آپ نے بیس روز پہلے اس گٹھلی کو زمین میں گاڑ دیا تھا۔ دیکھا آپ نے یہاں کیا ہے؟ ارے ، یہ کیا، یہاں تو ایک شاداب پودا ہے! گٹھلی میں جان کہاں سے پیدا ہوگئی؟ حیران نہ ہوں۔ اللہ اسی طرح آپ کو مرنے کے بعد زندہ کرے گا۔


کھجور: کبھی آپ نے کھجور کھائی ہے۔ نہیں! جائیے، جا کر ایک کھجور خرید لیجئے اور اسے کھایئے۔ اچھا کھا لیا؟ اندر سے کیا نکلا؟ گٹھلی ! ارے یہ کیا یہ تو گودے کے اندر لکڑی ہے! گودے کے اندر لکڑی کہاں سے پیدا ہوگئی؟ چھوڑئے اس میں مت پڑیئے، اسے جلا دیجئے۔ دیکھ لیا آپ نے یہ لکڑی ہی تھی جو جل گئی۔ اب کھجور کی دوسری گٹھلی لیجئے اور اسے مٹی میں گاڑ دیجئے اب اسے کچھ دنوں کے بعد دیکھئے۔ دیکھا آپ نے گٹھلی نے پودے کی شکل اختیار کرلی۔ ارے، اس میں تو جان آگئی۔ اسی طرح اللہ آپ کو مرنے کے بعد زندہ کرے گا۔ اب آپ نے بہت کھا لیا اب کچھ پی لیجئے۔

ناریل: کیا پئیں گے آپ؟ چلئے ایک ناریل پی لیجئے۔ ٹھہریئے۔ پہلے اس کی بناوٹ پر غور کیجئے کہ اسے کس طرح بنایا گیا ہے۔ یہ اوپر سے لکڑی ہے۔ بہت سوکھی ہوئی۔ اتنی سوکھی کہ اگر آپ اسے چولہے میں ڈالیں تو بھبک کر جل اٹھے۔ اب اسے پھاڑیئے۔ ارے یہ کیا اندر تو پانی بھرا ہے! اب اسے اٹھایئے اور پی لیجئے۔ یہ پانی آپ کو بہت ساری بیماریوں سے محفوظ کر دے گا اور آپ کی پیاس بھی کسی حد تک بجھ جائے گی۔ جو اللہ لکڑی کے اندر پانی پیدا کر رہا ہے اور جو گودے کے اندر لکڑی پیدا کر رہا ہے وہی اللہ آپ کو مرنے کے بعد زندہ کرے گا۔

انڈا: آپ نے کبھی انڈا دیکھا ہے۔ ضرور دیکھا ہوگا۔ مرغی انڈے کو ایک مدت تک اپنے پنکھ میں چھپائے رہتی ہے۔ پھر اچانک ایک دن وہ انڈے پھٹ جاتے ہیں اور بچے چوں چوں کرتے ہوئے نکل آتے ہیں۔

جو آپ کے سامنے مردہ کو زندہ میں تبدیل کر رہا ہے وہی اللہ آپ کو مرنے کے بعد زندہ کرے گا

21 اپریل، 2012

آخر کیوں؟

‎


آخر کیوں؟ آخر یہ سب عذاب ہم پر کیوں آتے ہیں؟
تحریر : فراز اکرم


کبھی ہم نے غور کیا کہ یہ سب کیوں ہو رہا ہے ہمارے ساتھ؟ کبھی زلزلے، کبھی سیلاب، کبھی ایک دوسرے کی گردنیں کاٹنے کا عذاب اور کبھی ظالم حکمران مسلط ہونے کا عذاب؟

آئیں تھوڑا پس منظر میں جاتے ہیں جہاں ہمارے آباء و اجداد الله سے وعدہ کر رہے تھے کہ اے الله ہمیں ہندو اور انگریز کی دھری غلامی سے نجات دے، ہمیں ایک آزاد ملک دے جہاں ہم تیرے دین کا بول بالا کریں گے۔ تیرے نبی کا دیا نظام قائم کریں ۔ ہم اسلام کے نظام کو قائم کر کے یہاں سے امّت مسلمہ کا احیا کریں گے۔۔ ہم نے نعرے لگائے کہ پاکستان کا مطلب کیا ” لا الہ الا اللہ “
الله نے اپنا وعدہ پورا کر دیا اور ہمیں زمین کی حکمرانی دی ۔۔

”قریب ہے وہ وقت کہ تمہارا رب تمہارے دشمن کو ہلاک کر دے اور تم کو زمین میں خلیفہ بنائے، پھر دیکھے کہ تم کیسے عمل کرتے ہو “سورة الأعراف(129 (

پھر اس کے بعد ہم اپنے وعدے سے مکر گئے۔ الله نے کہا کہ

وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ
اور وہی (ایک) آسمانوں میں معبود ہے اور (وہی) زمین میں معبود ہے۔
سورة الزخرف 84

مگر ہم نے کہا نہیں الله آسمانوں کا إله تو ہو گا زمین کا نہیں ہے۔ زمین کے حکمران ہم خود ہیں
"Sovereignty belongs to peoples"
یہاں اس کا بنایا قانون مانا جائے گا جو عوام سے ووٹ لے کر حکمران بنتا ہے، حاکمیت صرف اسی کی ہو گی، وہ چاہے خلاف قران قانون بنائے ہم سر تسلیمِ خم کرتے ہیں۔۔ پھر حکمرانوں نے امریکہ کو اپنا إله بنا لیا اور ہم دیکھتے رہے ۔ اسلام کے نام پر بننے والے اس ملک میں ہم نے انفرادی اور اجتماہی سطح پر وہ وہ جرائم کیے، وہ وہ ظلم کیے جس کی نظیر نہیں ملتی۔ ہم نے ہر وہ کام کیا جو اسلام کے خلاف تھا ۔ ہم نے اسلام کا نام لینے والوں پر مساجد میں بمباری کی، ان پر فاسفورس بم پھینکے۔ ہم نے اپنے ملک کے اندر سیاست کے لیے قتل و غارت اور ظلم و ستم کا بازار گرم کیا۔۔

پاکستان بننے سے پہلے ہم الله سے وعدے کرتے تھے کہ”ایک ہوں گے مسلم حرم کی پاسبانی کے لیے“، اور پاکستان بننے کے بعد ہم نے نیشنلزم کو پروان چڑھایا۔ ہم نے کہا کہ عراقی و افغانی مسلمان سے ہمارا تو کوئی تعلق نہیں ہم نے”سب سے پہلے پاکستان“کے نعرے لگائے۔ اور اس تازہ صلیبی جنگ”وار اگینسٹ اسلام“میں صلیبیوں کے”فرنٹ لائن اتحادی“بنے۔ اسلام نے نام پر قائم ہونے والی اس”پاک سر زمین“سے ستاون ہزار بار امریکی طیارے اڑ اڑ کر ہمارے پڑوس میں غریب اور مظلوم مسلمان بچوں کے چیتھڑے اڑاتے رہے اور ہم ڈالر لے کر ناچ گانوں اور فحاشی و عریانی پھیلانے میں مصروف ہو گئے۔۔ آج بھی صلیبی افواج(نیٹو) کا سامان رسد ہماری سرزمین سے، ہماری نگرانی میں جاتا ہے۔ اس سب کے باوجود ہم خود کو اسلام کا ٹھیکیدار سمجھتے ہیں ۔ ہم نے ڈالروں کی خاطر اپنی بیٹیوں کو فروخت کیا ۔۔ اپنے بچوں، خواتین اور بزرگوں کو ڈرون حملوں میں شہید کروایا۔ ہمارے جرائم کی فہرست بہت طویل ہے۔۔۔ ہم نے تو پڑوس کے اسلامی ملک کے سفیر تک تو نہیں چھوڑا اسے بھی تمام سفارتی آداب کو بالا طاق رکھتے ہوئے امریکہ کو فروخت کر دیا۔

ہم نے ہر ہر موقع پر الله سے وعدہ خلافی کی، اس کا قوانین کا مذاق اڑایا جس کا نتیجہ یہ ہوا کہ ہم پر ایک عذاب نازل ہو رہا ہے۔

وَلَنُذِيْـقَنَّهُمْ مِّنَ الْعَذَابِ الْاَدْنٰى دُوْنَ الْعَذَابِ الْاَكْبَرِ لَعَلَّهُمْ يَرْجِعُوْنَ
اور ہم چکھاتے رہیں گے ان کو چھوٹے چھوٹے عذاب اس بڑے عذاب سے پہلے تاکہ یہ لوگ باز آجائیں (اپنی سرکشی سے (
سورة السجدة 21

یہ چھوٹے عذاب ہیں ہمیں جنجھوڑنے کے لیے ، کبھی زلزلہ آ گیا، کبھی سیلاب آ گیا ، کبھی طیارے گرے، کبھی تودے گرے، کبھی ملک دو لخت ہوا، کبھی ہم بوری بند لاش بنے۔ ہم نے اس”الْعَذَابِ الْاَدْنٰى“سے بھی کوئی سبق نہی سیکھا، اب”الْعَذَابِ الْاَكْبَرِ“سروں پر کھڑا ہے ۔ قوموں پر بڑا عذاب دنیا میں یہ ہوتا ہے کہ اس قوم کو جڑ سے اکھاڑ دیا جاتا ہے ۔ یعنی” تمہاری داستان تک بھی نہ ہو گی داستانوں میں “۔

کسی نے یہ بقراط سے جاکے پوچھا
مرض تیرے نزدیک مہلک ہیں کیا کیا
کہا  دکھ جہاں میں نہیں کوئی ایسا
کہ جس کی دوا حق نے کی ہو نہ پیدا
مگر وہ مرض جس کو آسان سمجھیں
کہے جو طبیب اس کو ہذیان سمجھیں
دوا اور پر ہیز سے جی چرائیں
یو نہی رفتہ رفتہ مرض کو بڑھائیں
یہی حال دنیا میں اس قوم کا ہے
بھنور میں جہاز آکے جس کا گھرا ہے
کنارہ ہے دور اور طوفان بپا ہے
گماں ہے یہ ہر دم کہ اب ڈوبتا ہے
نہیں لیتے کروٹ مگر اہلِ کشتی
پڑے سوتے ہیں بے خبر اہلِ کشتی

لیکن ہم ابھی تک سو رہے ہیں اور انتظار میں ہیں کہ الله کا حکم آ جائے کہ ہمیں تبدیل کر کے یہاں کسی اور قوم کو آباد کر دیا جائے۔

”اے ایمان والو! تم میں سے جو شخص اپنے دین سے پھر جائے گا تو عنقریب اﷲ (ان کی جگہ) ایسی قوم کو لائے گا جن سے وہ (خود) محبت فرماتا ہوگا اور وہ اس سے محبت کرتے ہوں گے وہ مومنوں پر نرم (اور) کافروں پر سخت ہوں گے اﷲ کی راہ میں (خوب) جہاد کریں گے اور کسی ملامت کرنے والے کی ملامت سے خوفزدہ نہیں ہوں گے۔ یہ (انقلابی کردار) اللہ کا فضل ہے وہ جسے چاہتا ہے عطا فرماتا ہے اور اﷲ وسعت والا (ہے) خوب جاننے والا ہے “
سورة المائدة 54



کچھ لوگ کہتے ہیں کہ پاکستان اسلام کے نام پر وجود میں آیا لہذا اس کو کوئی ختم نہیں کر سکتا۔ اگر یہ سچ ہے کہ اللہ نے اس زمین کو کسی خاص مقصد کیلئے وجود بخشا ہے تو اللہ اتنی اہم زمین پر ہم جیسے بزدلوں، خودغرضوں، خواہشات کے غلاموں اور الله کے نافرمانوں کا وجود کبھی برداشت نہیں کریگا۔ پاکستان ضرور باقی رہے گا بلکہ اس کی حدود کشمیر سے لیکر کینیا تک پھیل جائیں گی لیکن یہاں موجود وہ لوگ جو عظیم مقصد کو پورا کرنے کے بجائے اس کی راہ میں رکاوٹ ہیں ان کو مٹادیا جائے گا اور اس ملک کو ایسے ہاتھوں میں دے دیا جائے گا جنہیں دیکھ کر 1947ء کے شہداء کی روحیں خوش ہو اٹھیں گی۔




Tags:
Pakistan, airplane, aeroplane, crash, azaab, sailab, zalzalay, wajoohat,
qaim rahay ga. Toba

20 اپریل، 2012

ہیرا مندی کلچر کا فروغ اور ہماری خاموشی


نہ سمجھو گے تو مٹ جاؤ گے اے پاکستان والو
تمہاری داستان تک بھی نہ ہوگی داستانوں میں

‎



دوستو آئیں مل کر اس فحاشی کے خلاف کوئی عملی اقدام کریں... ایک چھوٹا سا ہی سہی... پانی کی پہلی بوند ہی ڈال دیں. آئیے ہم سب مل کر اس کے خلاف ایک آواز اٹھائیں. سب سے پہلے ہم اس فحاشی کے خلاف پیمرا کو شکایات کرتے ہیں.
کچھ بھائی شائد یہ سوال کریں کہ اس سے کیا ہو گا.

جب نمرودی سپاہی حضرت ابراہیم خلیل الله کو اٹھا کر آگ میں پھینک دیتے ہیں تو اچانک فضا میں ایک بلبل پھڑپھڑاتا ہوا آتا ہے. اس کی ننھی سی چونچ میں پانی کی ایک بوند ہے.......آگ کے قریب آ کر ایک بلبل پانی کی اس بوند کو آگ پر پھینک دیتا ہے ....اور پانی لینے چلا جاتا ہے اور ایک قطرہ آب لا کر پھینک دیتا ہے.

بلبل بڑی پھرتی سے بار بار پانی لینے جاتا ہے اور آگ پر پھینکتا جاتا ہے... یہ صورت حال دیکھ اکر کسی نے بلبل سے کہا "او دیوانے! تیرے ایک قطرہ پانی سے یہ آگ بجھ جائے گی؟ تیری ایک بوند آگ پر گرنے سے پہلے ہی راستے میں پانی کی حدت سے خشک ہو جاتی ہے. "
مجھے اسے سے کوئی غرض نہی کہ میرے ایک قطرہ پانی سے آگ اپر کیا اثر پڑتا ہے. مجھے تو "حق وفا" ادا کرنا ہے.. ہانپتے ہوے بلبل نے کڑک کر جواب دیا...

میں بھی آپ سے صرف حق وفا ادا کرنے کی درخوست کر رہا ہوں. اور کچھ ہو یا ناں ہو ہمارا نام آگ بجھانے والوں میں شمار کیا جائے گا ناں کہ لگانے والوں میں.
سب لوگ پیمرا کو اس مسئلے کی شکایات کے لیے خطوط لکھیں، ای میل کریں. فون کریں.... ان شا الله جب ایک بڑی تعداد میں شکایات جایئں گی تو وہ اس پر غور کریں گے.

Address

PEMRA Headquarters G-8/1, Mauve area,
Islamabad
Ph: 051-111-736-111, Fax: 9107120

Media and PR

Tel: +92-51-9107109
Fax: +92-51-9107107
email: info@pemra.gov.pk

یا اس لنک پر ان لائن شکایت کریں.

http://www.pemra.gov.pk/feedback/

ابھی سے شروع کریں، خود بھی اپنا حصّہ ڈالیں اور اپنے دوستوں کو بھی کہیں.
زیادہ سے زیادہ شکایت کریں

جزاک اللہ خیر


نیٹو سپلائی لائن کھولنے کا فیصلہ

 

جس بات کا ڈر تھا وہی ہوا. پارلیمنٹ کے سیانوں نے نیٹو سپلائی لائن کو کھول دیا ہے. کئی ماہ کی سوچ و بچار کا نتیجہ امریکہ کی غلامی تک ہی محدود رہا. ان تمام سفارشات کا مقصد امریکی خدمات کے نتیجے میں محض بہتر قیمت وصول کرنے کا ہے. پارلیمنٹ سے منظور شدہ سفارشات کا پیغام بہت واضح ہے ۔۔۔ ہمیں استعمال کر لو. ہماری قوم اور اسلام کے نام پر قائم کیے جانے والے اس ملک کی سرزمین امریکہ کی مسلم کش جنگ کے لیے ہر قربانی کے لیے حاضر ہے. افغانستان میں امریکی و نیٹو کے قبضے کو برقرار رکھنے کے لیے ہماری طرف سے ہر قسم کے تعاون کا پیغام ہے۔۔۔ ہمیں بس ڈالر سے مطلب ہے چاہے نیٹو سپلائی سے اپنے لیے اسلحہ بارود، ٹینک، پمپرز اور دوسری اشیا ضرورت حاصل کرنے والے امریکی فوجی افغانستان میں قرآن پاک کی بےحرمتی کریں یا وہاں گھروں میں گھس کر معصوم مسلمان بچوں اور عورتوں کا قتل عام کریں ۔  

جو فیصلہ جنرل مشرف نے ایک فون کال پر ٩/١١ کے فوری بعد کیا، اسی نتیجے پر پارلیمنٹ بھی پہنچ گئی. مشرف نے زبانی کلامی امریکہ کو کھلی چھٹی دی کہ وہ پاکستان کی سرزمین کو آزادی سے استعمال کرتے ہوے بے شک افغانستان پر قابض ہو کر لاکھوں مسلمانوں کا قتل عام کرے۔۔۔ اس ڈر سے کہ کہیں امریکہ ہم سے ناراض نہ ہو جاے مشرف نے پاکستان کی سالمیت اور خودمختاری کو بیچا اور افغانستان میں اپنے ہی مسلمان بھائیوں کے خون سے اپنے ہاتھ بھی رنگے۔۔۔ اب ہماری پارلیمنٹ بھی وہی سب کچھ لکھت پڑ ت کے ساتھ کررہی ہے۔۔۔ فلموں اور سینما گھروں کی کمائی سے پلنے والے اور پاکستان ریلوے کی جڑوں میں بیٹھنے والے غلام احمد بلور نے تو یہ تک کہہ دیا کہ ہمیں امریکہ کے غضب سے ڈرتے ہوے نیٹو سپلائی فوری کھول دینی چاہئیے۔۔۔ الله کے غضب کی کوئی فکر نہی اور امریکہ سے ڈر اتنا۔۔۔
اسی موقع کے لیے شائد اقبال نے کہا تھا کہ

بتوں سے تجھ کو اُمیدیں، خدا سے نومیدی
مجھے بتا تو سہی اور کافری کیا ہے؟

افسوس کسی کو یہ خیال نہ آیا کہ نیٹو سپلائی لائن یا امریکہ و نیٹو فورسز کو کسی بھی لحاظ سے پاکستان کی طرف سے مدد کا مطلب افغانستان میں مسلمانوں کے قتل و غارت اور وہاں اسلام دشمن طاقتوں کے ناجائز قبضہ کا ساتھ دینا ہے جو اسلام دشمنی اور الله اور اس کے رسول کی تعلیمات کے خلاف ہے. یہ کتنے شرم کی بات ہے کہ افغانستان میں اتحادی افواج کے خلاف اپنی آزادی کی خاطر اور قابض افواج کے خلاف جہاد کرنے والے افغان طالبان اور ان کے ساتھ دینے والے مجاہدین کو کچلنے کے لیے اسلحہ ہم فراہم کرتے ہیں۔

مشرف جیسے لادین اور سیکولر حکمرانوں اور جرنیلوں کے لیے یہ کوئی خاص بات نہی پر اسلام اس بات کی قطعی اجازت نہی دیتا۔
چند امریکی ٹکوں کی خاطر ہم اپنی مسلمانیت کا سودا کر رہے ہیں۔ ایسا محسوس ہوتا ہے کہ اتنا کچھ کھونے کے بعد اور پہ در پہ الله تعالیٰ کی طرف سے ہم پر آنے والے عذابوں کے باوجود ہم سبق سیکھنے کے لیے تیار نہی